X’inhu s-Suppliment tad-Diploma?

Dan is-Suppliment jipprovdi deskrizzjoni tan-natura, kuntest, livell, kontenut u status ta’ l-istudji li student ikun temm b’suċċess f’istituzzjoni ta’ Edukazzjoni Ogħla.

L-għanijiet tas-Suppliment tad-Diploma huma:

Li jippromwovi t-trasparenza tal-kwalifiki fl-Edukazzjoni Ogħla;Li jikkonsidra u jiddeskrivi bidliet fil-kwalifiki;
Li jgħin il-mobbilta’ u l-aċċess għal aktar studju u mpjiegi barra minn xtutna;
Li jipprovdi informazzjoni ġusta u informata dwar il-kwalifiki.

X’mhux is-Suppliment tad-Diploma?

Is-Suppliment tad-Diploma mhux sostitut tad-diploma oriġinali;
Is-Suppliment tad-Diploma mhux mod awtomatiku li jiggarantixxi għarfien tal-kwalifika oriġinali.

Għaliex jintuża s-Suppliment tad-Diploma?

Is-Suppliment tad-Diploma jgħin lil dawk li jridu jaħdmu u/jew jistudjaw barra minn xtutna, billi jipprovdi trasparenza sħiħa tal-livell u l-funzjoni tal-kwalifika.
Is-Suppliment tad-Diploma jipprovdi informazzjoni lill-istudenti dwar il-programm ta’ studji tagħhom li tkun miftiehema faċilment u li tkun tista’ titqabbel ma’ kwalifiki ta’ pajjiżi oħra. Is-Suppliment jagħti deskrizzjoni preċiża tal-kurrikulu akkademiku u l-kompetenzi miksuba matul iż-żmien ta’ studju. Dawn jistgħu jkunu rilevanti għat-tkomplija ta’ studju u għall-opportunitajiet ta’ xogħol barra minn Malta.

Aktar Informazzjoni

Is-Suppliment tad-Diploma jikkonsisti fi tmien taqsimiet:

Identifikazzjoni ta’ min għandu l-kwalifika.
Identifikazzjoni tal-kwalifika u ta' l-istituzzjoni minn fejn oriġinat.
Informazzjoni dwar il-livell tal-kwalifiki.
Informazzjoni dwar il-kontenut u r-riżultati miksuba.
Informazzjoni dwar il-funzjoni tal-kwalifika.
Informazzjoni addizzjonali.
Ċertifikazzjoni tas-Suppliment.
Informazzjoni dwar is-sistema nazzjonali ta’ l-Edukazzjoni Ogħla tal-pajjiż minnfejn ħarġet id-Diploma il-kwalifika.

Dokumenti Rilevanti

X'inhu s-Suppliment tad-diploma
Suppliment tad-Diploma template
Suppliment tad-Diploma Sezzjoni dwar Edukazzjoni Ogħla
 

Aktar informazzjoni tista’ tinkiseb mill-Universita’ ta’ Malta, Uffiċju tar-Reġistratur, tal-Qroqq, Msida, Malta (numru tat-telefon: 21 333903 ).

Europass Malta - Daħla