X’inhu s-Suppliment taċ-Ċertifikat tal-Europass?

Is-Suppliment taċ-Ċertifikat tal-Europass jingħata lil nies li għandhom ċertifikat fl-edukazzjoni u taħriġ vokazzjonali.
Is-Suppliment taċ-Ċertifikat tal-Europass iżid ma’ l-informazzjoni li tinsab fiċ-ċertifikat oriġinali.

Għaldaqstant is-Suppliment taċ-Ċertifikat Europass jgħin lil dawk li jħaddmu u organizzazzjonijiet sabiex jaslu għal deċiżjonijiet preċiżi dwar iċ-ċertifikat vokazzjonali maħruġ minn entita’ edukattiva. Dan jgħodd speċjalment għal meta jintuża barra mill-pajjiż t’oriġini taċ-ċertifikat vokazzjonali. L-informazzjoni li tinsab fis-Suppliment taċ-Ċertifikat Europass hija pprovduta mill-awtoritajiet rilevanti li jipprovdu ċertifikazzjoni.

X’mhux is-Suppliment taċ-Ċertifikat Europass?

Is-Suppliment taċ-Ċertifikat Europass mhux sostitut taċ-ċertifikat oriġinali.
Is-Suppliment taċ-Ċertifikat Europass mhux mod awtomatiku li jiggarantixxi għarfien taċ-ċertifikat oriġinali.

Għaliex jintuża s-Suppliment taċ-Ċertifikat Europass?

Minħabba li s-Suppliment taċ-Ċertifikat Europass huwa dokument “standard” fl-Ewropa, jista’ jgħinek tikkomunika dettalji tal-kwalifika tiegħek, inkluż il-kontentut tagħha, kif tinkiseb u x’tippermettilek tagħmel. Dan jista’ jgħinek tikseb impjiegi jew tkompli bl-edukazzjoni u/jew taħriġ.

Aktar informazzjoni

Dawn huma d-dettalji li jidħol fihom is-Suppliment taċ-Ċertifikat Europass:

- ħiliet u kompetenzi miksuba minn min fuqu/ha huwa ntestat iċ-ċertifikat;
- il-varjeta’ ta’ mpjiegi li huma aċċessibbli għal min fuqu/ha huwa ntestat iċ-ċertifikat;
- l-organizzazzjonijiet li ssupplixxew u/jew akkreditaw iċ-ċertifikat;
- il-livell taċ-ċertifikat;
- il-modi differenti kif jinkiseb iċ-ċertifikat;
- il-kwalifiki meħtieġa għad-dħul u opportunitajiet għall-aċċess għal-livell ta’ edukazzjoni li jsegwi il-punti  ta’ riferiment nazzjonali.

Rakkomandazzjonijiet ġenerali

Minħabba li s-Suppliment taċ-Ċertifikat Europass jista’ jkun tradott, f’ilsien ieħor Ewropew u minħabba, ukoll, id-diversita’ t’informazzjoni, dawn l-għodod, hawn taħt imsemmija, għandhom jintużaw meta jkun qed ikun tradott. Dan sabiex tkun żgurata il-konsistenza tal-kontenut fil-lingwi kollha.

Meta tidħol fil-‘website’ tal-Europass għandek issib:

glossarju f’diversi lingwi (inkluż bil-Malti) li joffri terminoloġija f’forma ta’ verbi t’azzjoni li jiddeskrivu u jgħinuk tittraduċi ħiliet miksuba u kompetenzi oħra;
manwal ta’ kwalita’ għat-traduzzjoni li jipprovdilek il-linji gwida sabiex issir traduzzjoni kemm jista’ jkun fidila lejn l-oriġinali.
 

Dokumenti Rilevanti

Linji gwida għat-traduzzjoni
Linji gwida sabiex jimtela
Struzzjonijiet dwar is-Suppliment tac-Ċertifikat
Suppliment taċ-Ċertifikat Europass template
Glossarju ta' verbi t'azzjoni Europass
Manwal ta' Kwalita' għat-traduzzjoni

Aktar informazzjoni tista’ tinkiseb miċ-Ċentru Nazzjonali tal-Europass, Diviżjoni ta’ l-Edukazzjoni, Room 201, Florjana (numru tat-telefon: 25982440)

Europass Malta - Daħla